Ngjarja ndaj Gentjan Bejtjas alarmon autoritetet, policia dhe forcat speciale në patrullim

Në Fushë-Krujë dhe rrethinat e qytetit janë blinduar nga forcat e policisë që nga vrasja e Gentjan Bejtjas. Autoritetet kanë vendosur në fokus zonën duke zhvilluar kontrolle të shumta.

Postblloqe policie të mbështetura nga forcat speciale janë vendosur në akset rrugore që përshkojnë qytetin, madje në qarkullim janë edhe disa grupe të lëvizshme të forcave Shqiponja dhe FNSH.

Këto të fundit raportohet se janë caktuar të patrullojnë të gjitha rrugët dytësore dhe rurale duke kryer kontrolle të befasishme në mjetet e cilësuara si të dyshimta.