Ngjarje e rëndë në Pogradec, fëmija 10 vjeç gjendet pranë trupit të pajetë të nënës

Një grua është gjetur e pajetë në banesën e saj në Pogradec, ndërsa në krah të trupit të pajetë është gjetur edhe një fëmijë, i cili kishte 24 orë pa u ushqyer. Nuk dihen shkaqet e vdekjes së gruas, e cila ishte me nënshtetësi nga Maqedonia e Veriut, ndërsa trupi i saj është dërguar në murgun e spitalit, ku pritet të bëhet edhe ekspertiza.

Në krahë të nënës së pajetë, është gjetur fëmija 10 vjeç, e seksit femër e cila ishte e nxirë dhe e dobët, për shkak të mosushqimit për 24 orë. Fëmija është dërguar në pediatrinë e Pogradecit, ku pas trajtimit ka rimarrë veten. Ndërkohë nga institucionet do të njoftohet Shërbimi Social Korçë për të gjetur zgjidhjen se si do vijohet me strehimin e fëmijës. Fëmijës do t’i bëhet edhe test Covidi, pasi është gjetur i pa ngjyrë nga policia, (i nxirë).

Trupi i pajetë i gruas do t’i bëhet ekspertiza në Tiranë, për të kuptuar shkaqet e vdekjes nëse kanë qenë natyrale apo vetëvrasje. Në këtë pistën e fundit policia ka ngritur dyshime pasi ka gjetur një sasi ilaçesh.

Sipas burimeve bashkëshorti i gruas kishte 1 muaj që kishte ndërruar jetë, ndërsa dyshohet se fëmija është me aftësi të kufizuara.