Ngritja e SPAK/ Nuk vonon mazhoranca: Të hetojë sa më parë Sali Berishën

Kreu i grupit parlamentar të PS, Taulant Balla ka përshëndetur nga Elbasani ngritjen e SPAK, struktura e cila do të merret me hetimin e korrupsionit të zyrtarëve. Sipas tij kjo strukturë duhet të nisë dhe me hetimin e çështjes së privatizimit të OSSH-së, për të cilën është marrë nën hetim dhe ish-kryeministri Sali Berisha.

“Punë të mbarë SPAK. Duhet të shoqërohet menjëherë me ngritjen e Byrosë Kombëtare të Hetimit, 140 dosje do të jenë punë e parë e prokurorëve. Një ndër dosjet që do të kërkoja duhet të jetë edhe kallëzimi i bërë nga Kuvendi i Shqipërisë lidhur me gjetjet e raportit të komisionit hetimor për privatizimin e OSSH-së.

Janë kallëzuar autoritete të larta duke filluar nga Sali Berisha. Kjo çështje duhet hetuar dhe do ti kërkoja gjykatës ta kthej sërish për shqyrtim‘, tha Balla.