Ngrohja me dru konsiderohet luks në Gjirokastër
Aktualitet E Diel, 15 Dhjetor 2019 14:50
Jemi në mes të dhjetorit, por pak oxhaqe në qytetin e Gjirokastrës nxjerrin tym.
Këtë dimër ngrohja me dru po konsiderohet luks.
Çmimi për metër kub shkon deri në 4500 lek, dhe për shumë familje konsiderohet i papërballueshëm, kur llogarisin se për stinën e ftohtë u duhen të paktën 8 metra.
“Më ka harxhuar për drutë dyfishin e lekëve që marr për pension.”
Një pjesë e banorëve thonë se me detyrim po zgjedhin ngrohjen me energji elektrike, ndërsa të tjerë vetëm batanijet.
“Ndezim nga pak dhe mbështillemi me batanije.”
Ankesa për çmimin e lartë të druve por edhe abuzimin me sasinë kanë edhe qytetarët e Korçës e Kukësit, dy prej rajoneve ku dimri është i ashpër.
