Nis mbledhja e KLP, diskutohet kërkesa për shkarkimin e Arta Markut

Këshilli i Lartë i Prokurorisë (KLP) ka nisur mbledhjen e gjashtë të këtij institucioni që nga krijimi.

Mësohet se në rendin e ditës për sot është komandimi i 6 prokurorëve pranë KLP si dhe diskutimi për kërkesën e opozitës për shkarkimin e kryeprokurores Arta Marku.

Kreu i Grupit Parlamentar të LSI-së, Petrit Vasili kërkoi shkarkim dhe ndjekjen penale të Markut pasi, sipas tij, kryeprokurorja përcolli kandidaturën e Bujar Sheshit si kandidaturë që plotëson kriteret për të qenë pjesë e KLP-së, pa pritur përgjigjen e verifikimit mbi integritetin e figurës së tij.