Nis punën Task-Forca kundër krimit, ja dosjet që do hetojë

30 efektivët e parë të ngjashëm me FBI

Të besueshëm, me integritet dhe me aftësi profesionale të provuara, kështu konsiderohet 30 efektivët e parë të Task Forcës Speciale të cilët prej një jave kanë nisur zyrtarisht punën. Report Tv ka mësuar se kjo strukturë tashmë e vendosur në ambientet e ish-Ministrisë së Shëndetësisë ka nisur nga puna dhe pritet që shumë shpejt të jap rezultatet e para.

Fokusi i kësaj strukture janë goditja e parave të përfituara nga aktivitet kriminale, trafiku i narkotikëve dhe zbardhja e dosjeve të harruara ku prej tyre ka dhe vrasje të bujshme.

Kjo strukturë pritet që javën e ardhshme të prezantohet dhe zyrtarisht nga ministri i Brendshëm Fatmir Xhafa ndërsa anëtarët e saj janë përzgjedhur me konkurs dhe kanë kaluar fazën paraprake të kontrollit të pasurisë dhe integritetit moral e profesional.