Nis seanca plenare në Kuvend, 1 minutë heshtje për Adem Jasharin dhe ish-deputetin Tomor Dosti

Seanca e sotme parlamentare nis me 1 minutë heshtje për Adem Jasharin dhe familjen e tij në Prekaz.

Kjo minutë heshtje u mbajt me kërkesë nga Partia Socialiste. Në 5 mars 1998 Serbia nisi sulmet ndaj familjes Jashari në Prekaz.

Sakaq, Partia Demokratike ka kërkuar edhe mbajtjen e 1 minutë heshtje për ish-deputetin Tomor Dosti, i cili është ndarë nga jeta ditën e djeshme në moshën 96-vjeçare.

Dosti ka qenë dy herë deputet i Partisë Demokratike dhe nënkryetar i Kuvendit të Shqipërisë.