Nis shembja e ndërtimeve, banorët ”luftë” me IKMT

Mëngjesin e kësaj të marte, Inspektorati Kombëtar i Mbrojtës së Territorit, ka nisur aksionin për prishjen e ndërtimeve pa leje në Jalë por janë hasur në kundërshtimin e banorëve dhe bizneseve. Banorët shprehen se në dhoma kanë ende turistë dhe se janë me dokumente të rregullta. ”Jemi me dokumente të rregullta dhe duan te na nxjerrin me dhunë nga prona e jone. Kemi bërë mbivendosje mbi pronën tonë dhe çështjen e kemi apeluar. Tani presim vendimin e gjykatës. Nuk kemi marrë asnjë njoftim zyrtar për aksionin, por na kanë njoftuar vetëm me gojë”,-shprehen banorët.