NISIN PUNIMET PËR NDËRTIMIN E TAP NË SHQIPËRI.
Edi Rama :Sot në Çorovodë për çeljen e punimeve të fazës së parë të një prej investimeve më të mëdha në historinë e shtetit shqiptar që lidhet me ndërtimin e gjithë rrjetit të infrastrukturës lidhëse të TAP që për Shqipërinë nuk do të thotë vetëm furnizim me energji, por, mbi të gjitha, një vendosje e konsoliduar e Shqipërisë në një pozicion shumë të rëndësishëm përsa i takon sigurisë energjetike jo vetëm të vendit, por edhe më gjerë. Kjo fazë e parë përfshin ndërtimin e 100 km rrugë, ndërtimin e 2 urave të reja dhe rehabilitimin e 50 urave ekzistuese në qarqet Fier, Berat dhe Korçë. Vlera e konsiderueshme e këtij investimi krijon në mënyrë të drejtpërdrejtë më shumë se 500 vende të reja pune, ndërkohë që mijëra vende të tjera pune do të jenë rezultat i marrëdhënieve indirekte me këtë projekt, me një impakt shumë të rëndësishëm edhe në funksion të komuniteteve dhe në funksion të përmirësimit të rrjetit të komunikimit për gjithë prodhuesit në bujqësi.