Një 10-vjeçar grabit një furrë buke në Lezhë, policia jep detajet

Policia ka dalë me njoftim zyrtar për grabitjen e furrës të bukës në Lezhë. Sipas tyre, ngjarja ka ndodhur rreth orës 21:05, në lagjen “Besëlidhja”.

Një 10-vjeçar është futur në furrën e bukës për të blerë bukë dhe në momentin që shitësja po i shërbente, ai ka arritur të marrë nga arka një shumë parash dhe është larguar.

“Lezhë/Informacion paraprak

Rreth orës 21:05, në lagjen “Besëlidhja”, një shtetas i mitur 10 -vjeçar është futur në një furrë buke për të blerë bukë dhe në momentin që shitësja po i shërbente ka arritur të marrë nga arka një shumë lekësh dhe është larguar.

Shërbimet e Policisë në vendngjarje po punojnë për sqarimin e rrethanave të ngjarjes”, njofton Policia.