Një ditë pas Kuvendit të PD, Basha thirrje të rinjve: Bëhuni ndryshimi që kërkoni

Një ditë pas mbajtjes së Kuvendit Kombëtar të PD, ku u miratua edhe statuti i ri, kreu i PD Lulzim Basha i është drejtuar sot të rinjve me një thirrje.

Përmes një postimi në Facebook, Basha ka kërkuar nga të rinjtë që të bëhen pjesë e strukturave të PD, pasi sipas kryedemokratit të rinjtë sjellin ndryshimin.

“Ftoj të gjithë të rinjtë të kontribuojnë për të sjellë ndryshimin. Partia Demokratike është e hapur për gjithë secilin prej jush. Ejani dhe bëhuni ndryshimi që kërkoni!”- shkruan Basha në Facebook.