Një fshat i Lushnjës si në “shtetrrethim”, banorët: Ujqërit po bëjnë kërdinë

Ujqër të uritur janë shfaqur ditët e fundit në pyjet e Lushnjës, duke sulmuar bagëti dhe duke sjellë dëme të konsiderueshme për blegtorët e zonës. Barinjtë thonë se tufat e tyre janë sulmuar pranë pyllit të Spolatit, gjatë ditëve të fundit.

Një bari 23-vjeçar thotë se për pak minuta ujk i hëngri 7 kokë bagëti në kullotë, duke i përgjysmuar kopenë. Banorët e Spolatit thonë se zgjohen nga ulërimat e ujqërve gjatë netëve të fundit. Përveç shqetësimit për bagëtitë, ata janë të shqetësuar edhe për jetën e fëmijëve dhe të tyren.

Prej 70 vjetësh në pyjet e Spolatës nuk ishte parë asnjë ujk,  por kohët e fundit kjo zonë është si në një “shtetrrethim” prej kafshëve më të egra që jetojnë të zonat tona.