Një nga personat më të kërkuar në Greqi, “Maradona fluturues” shqiptar godet sërish

Autoritetet greke kanë zbuluar identitetin e personit që kreu vjedhjen në një argjendari në Athinë të enjten në mëngjes.

Ai është 32-vjeçari shqiptar Eno Mata, i akuzuar për vrasjen e avokatit grek Mihalis Zafiropoulos në tetor të 2017-ës.

Kanë qenë kamerat e sigurisë, të cilët kanë kapur shqiptarin pa maskë dhe një person tjetër të maskuar.

Pas vrasjes së Zafiropulos, që Mata kreu në bashkëpunim me Ibrahim Brahimaj, ka grabitur dy dyqane me bizhuteri në Athinë dhe një bankë në Messini.

Mata në qershor të 2018-ës la një shënim për policinë me pseudonimin “Maradona fluturues”, ku shfajësohej për çështjen Zafiropulos, duke thënë se është thjesht një hajdut dhe një viktimë konspiracioni.