Një president nga populli? Kikia: Lutem që të jetë serioze ideja e Ramës

Një president nga populli? Analisti Mentor Kikia shpreson që ideja e hedhur sot nga kryeministri Edi Rama të merret seriozisht dhe të bëhet realitet. Për të duhet të ristrukturohet ngrehina ligjore me ndryshimet e plota kushtetuese.

“Nëse vendos t’i drejtohet popullit me referendum zyrtar do të duhet të merret seriozisht me një ristrukturim të ngrehinës ligjore që të mos bëhen shartime, por një rikonstruksion i plotë me ndryshime kushtetuese. Kjo është një gjë serioze që nuk ndodh shpesh. Lus që të jetë serioze ideja e Ramës se një president nga populli është i pavarur dhe nuk do të jetë konfliktual. Presidenca meta konsumoi gjithçka që dilte në mitingje, konsumoi fushatat elektorale, konsumoi një lëvizje për shkarkimin e presidentit”.

Për Kikinë ligji i ri duhet të zgjerojë fuqitë e presidentit, të cilat janë cunguar duke e shndërruar në një strukturë simbolike.

“Nuk dimë se çdo ketë ky ligj i ri por duhet t’i zgjerohen fuqitë se boll është cunguar dhe është shndërruar në një strukturë simbolike. Duhet konsideruar edhe hipoteza se mund të përgatitet terreni”.