Noka: Rama ka rikthyer metodat e Enver Hoxhës në parti, kurse PD me risi

Sekretari i Përgjithshëm i PD-së, Flamur Noka thotë se Partia Socialiste që drejtohet nga Edi Rama ka rikthyer format dhe metodat e Enver Hoxhës në parti. Sipas tij, në antitezë me PS është PD e cila ka sjellë një risi.

”Rilindja që drejtohet nga Edi Rama ka rikthyer format dhe metodat e Enver Hoxhës në parti. Kryetarët, kryesitë emërohen, në qendër të gjithë emërohen. E njëjta skemë. Brenda kampit të rilindjes vota e lirë është e vrarë është e pushkatuar. Ama në antitezë PD ka sjellë një risi.

Risia është vota, primaret janë risia, vota e anëtarit është e barabartë me të kryetarit. Kjo është maksimumi i demokracisë direkte në një forcë politike. Nuk ka më që kryetari i partisë të përzgjedhë sipas zarfeve dhe tekave. Do të punojmë do ta mbështesim do ta bëjmë fitues”.