Nonaj me pensionistët në Skrapar: Detyrimi ynë madhor të mbështesim brezin që i dha kaq shumë Shqipërisë

Mjeku i njohur, Blenard Nonaj kandidatura e LSI-së në qarkun Berat dhe rrethin e Skraparit për zgjedhjet e 25 prillit, këtë të diel ka zhvilluar një takim me pensionistët në Skrapar, ku shprehet se ”Është detyrimi ynë madhor që në qeverisjen e pas 25 Prillit, të mbështesim të moshuarit dhe pensionistët, me rritjen e pensioneve të tyre, me sigurimin e shërbimeve sa më cilësore shëndetësore dhe sociale”.

Postimi i plotë

Është gjithmonë një kënaqësi e veçantë të takohesh dhe të jesh mes pensionistëve të Skraparit, një brez i jashtëzakonshëm që i ka dhënë kaq shumë Shqipërisë.

Prindërit, gjyshërit dhe gjyshet tona meritojnë mirënjohjen e brezave të rinj, veçanërisht atyre që janë në vendimmarrje, në mënyrë që të nxisin dhe të ndërmarrin politika konkrete në mbështetje të tyre.

Është detyrimi ynë madhor që në qeverisjen e pas 25 Prillit, të mbështesim të moshuarit dhe pensionistët, me rritjen e pensioneve të tyre, me sigurimin e shërbimeve sa më cilësore shëndetësore dhe sociale, në mënyrë që sadopak, ne, tu shpërblejmë gjithë atë mund, djersë dhe sakrificë të jashtëzakonshme të tyre për rritjen e brezave të rinj dhe ndërtimin dhe zhvillimin e Shqipërisë ndër vite.