“Normalitet” i ri në vend, në rrugë me maska

Që prej shpalljes së Covid-19 si pandemi globale, jeta në tokë nuk është më e njëjta. Ka ndryshuar përditshmëria, zakonet dhe stili i jetesës. Nuk përqafohemi më si dikur, maska dhe dezinfektuesi janë dy bashkëshoqëruesit tanë, tashmë të përhershëm, pasi i druhemi një infektimi të mundshëm. Në një kohë kur bota po përballet me një valë të dytë infektimesh, prej pak ditësh Shqipëria ka vendosur mbajtjen e maskave edhe në ambientet e hapura. Siç mund ta shihni në fotografitë e shkrepura ditën e sotme, në rrugë apo parqe qytetarët janë të detyruar të qëndrojnë me maskë.