Nuk pushojnë tërmetet, nga një në çdo orë (FOTO)

Aktualitet E Hënë, 16 Gusht 2021 05:47

Gjatë ditës së sotme janë regjistruar tërmete të fuqishme, të cilët nuk ishin hasur prej shumë vitesh në Shqipëri. Lëkundjet më të mëdha u ndjen rreth orës 11:00, ku sipas të dhënave tërmeti kishte intensitetin 5.1 gradë të Shkallës Richter.

Ndërkohë në çdo orë, qendrat sizmike në Shqipëri dhe qendrat rajonale kanë regjistruar lëkundje serioze që kalojnë 3.5 gradë të Shkallës Richter.

Qendra Europiane e Tërmeteve raporton për të paktën 5 tërmete më mbi 3 ballë, të cilët konsiderohen serioz. Ndërkohë lëkundje të tjera, nën këtë nivel ka pasur mbi 40 gjatë orëve të fundit.

Tërmeti më serioz pati epiqendër në zonën e Hamallajt dhe Gjirit të Lalzit, 31 kilometra në veriperëndim të Tiranës. Lëkundja e parë u shoqërua me dy të tjera të një intesiteti pak më të ulët, ndërkohë që sipas sizmiologëve shqiptarë janë regjistruar mbi 22 lëkundje deri 45 minuta pas së parës.

Tërmeti u ndje jo vetëm në Tiranë dhe Durrës, por dhe në qytete të tjera të vendit, ku janë rregjistruar dhe dëme të lehta në disa banesa. Ndërkohë që lëkundjet shkaktuan panik mes qytetarëve. Ishin të shumtë ata që zgjodhën të braktisnin shtëpitë apo zyrat për të qëndruar jashtë në mjedise të hapura.

Një tjetër tërmet ka lëkundur Tiranën, në orën 15:34 të ditës së mërkurë. Edhe pse me intensitet më të ulët se ai i orës 11:01, tërmeti është ndjerë në kryeqytet. Tërmeti i fundit ishte i magnitudës 3,5, me një thellësi 5 km dhe epiqendër 21 km në veriperëndim të Tiranës.