Numrat e emergjencës: 126,127,128,129

Automjetet e reja të policisë rrugore(në foto) do të vihen në funksion brenda muajit prill në rolin e patrullës rrugore të kryeqytetit e më pas në të gjithë vendin.

Në Drejtorinë e Policisë së Tiranës është duke u testuar salla operative e emergjencave kombëtare e cila do të jetë sallë kordinuese me sallat operative në 12 qarqet e vendit.

Çdo telefonatë e bërë në territorin e Shqipërisë për ndihmë do të kalojë në këtë qendër e cila më pas do koordinojë me spitalin, policinë, zjarrfikësen, rojen bregdetare apo policinë rrugore për të dërguar ndihmën e parë, raporton Report TV.

Në përdorim janë 4 numra ku për tu lidhur me policinë është numri 129, zjarrëfiksen 128, ambulanca 127, policia rrugore 126. Numrin 112 është numri i shërbimeve të emergjencës në të gjithë Europën dhe futja e Shqipërisë në centralin e përbashkët Europian të emergjencave pritet të sjell një përmirësim dhe për shërbimet që i ofrohen të huajve që vijnë në shqipëri qofshin ata turist apo shtetas të cilët kanë nevojë në rast rreziku.