Nxirrnin inerte nga lumenjtë Seman e Shkumbin, IKMT gjobit 2 subjekte në Lushnje
Dy subjekte janë ndëshkuar me nga 2 milion lekë për shkak se akuzohen se kanë nxjerrë inerte pa leje nga shtratet e lumenjve Seman e Shkumbin.
Njoftimi është dhënë nga Inspektorati Kombëtar i Mbrojtjes së Territorit.
Njoftimi i IKMT:
IKMT, gjatë kontrollit përgjatë rrjedhës së lumit Seman, fshati Murriz u konstatua se një subjekt kryente veprimtari të marrjes së materialit inert pa leje në shtratin e lumit Seman. Ndaj këtij subjekti, IKMT mori masë administrative me gjobë 2 milion lekë, për shkeljen e kryer.
IKMT, gjatë kontrollit përgjatë rrjedhës së lumit Shkumbin, bashkia Lushnje konstatoi se njē tjetër subjekt kryente veprimtari të marrjes së materialit inert pa leje në shtratin e lumit Shkumbin. Ndaj këtij subjekti, IKMT mori masë administrative me gjobë 2 milion lekë, për shkeljen e kryer.
IKMT dhe Policia e Shtetit vijon punën evidentimin dhe parandalimin e ndotjes mjedisore në lumenjtë e vijat ujore në vend si dhe ndëshkimin e çdo kundërvajtësi, dhe njëkohësisht fton çdo qytetar të denoncojë shkeljet në numrin 112 ose përmes Komisariatit Dixhital.
