OBSH: Omicron shkakton simptoma mesatare

Sipas një zyrtari të OBSH-së, Omicron shkakton simptoma më të lehta dhe prek rrugët e sipërme të frymëmarrjes, në krahasim me variantet e tjera që prekin mushkrit. Megjithatë, aftësia e lehtë e Omicron për tu përhapur ka rritur frikën se varianti mund të bëhet dominues në shumë vende brenda disa javësh, duke përbërë një rrezik për vendet me norma të ulëta të vaksinimit.

I pyetur nëse do të ketë nevojë për një vaksinë të re për shkak të Omicron, zyrtari i OBSH-së Abdi Mahamoud tha se është ende shumë herët për të kuptuar nëse nevojitet një vaksine e re por theksoi se vendimi kërkon koordinim global dhe nuk duhet t’i lihet sektorit tregtar që të vendosë i vetëm.