“Omicron” i afrohet Shqipërisë, zbulohet rasti i parë në Greqi

Rasti i parë me “Omicron”, varianti i ri i koronavirusit është konfirmuar sot në Greqi.

Ministri i Shëndetësisë Thnaos Pleyris deklaroi se i shtetasi i infektuar është identifikuar në Kretë. Nuk ka ende të dhëna nëse ky shtetas ka hyrë në Greqi nga një nga vendet me numër të lartë të infektuarish me “Omicron”.

“Omicron” ka shqetësuar të gjithë botën, ndërsa rastet me këtë variant janë konfirmuar në disa shtete të Europës.

Duke folur për rreziqet që paraqet, epidemiologu Ilir Alimehmeti, shpjegoi tri ditë më parë se rritja e rasteve të reja me Covid-19 në Afrikën e Jugut tregon se ka transmetueshmëri të lartë, por ende nuk është konfirmuar kjo gjë.