Opozita doli kundër, PS voton projektligjin për ”Bashkëqeverisjen”

Projektligji për “Bashkëqeverisjen” solli përplasje mes PD dhe PS në seancën e kësaj të enjte në Kuvend. Socialistët kërkuan votën e demokratëve duke argumentuar se agjencia e “Bashkëqeverisjes” do të ndihmojë qytetarët të shprehin problemet e tyre, por dhe si një instrument për të luftuar korrupsionin.

PD-ja e cilësoi këtë agjenci si anti kushtetuese dhe se do të ndihmojë qeverinë për të siguruar të dhënat e qytetarëve. Ministrat i zgjatën dorën PD që ti bashkohej bashkëqeverisjes, ndërsa mes tyre nuk munguan as ironitë.

Në përfundim të diskutimeve, projektligji për “Bashkëqeverisjen” u votua në Parlament me 73 vota pro dhe 42 vota kundër.