Opozita me tre grupe negociatorësh për Presidentin, Mediu: Tregon mungesë vullneti

Tre grupe negociatorësh janë ulur në një tryezë me mazhorancën për të propozuar emra dhe për të caktuar Presidentin e ri të Republikës.

Opozita që është më e përçarë se kurrë, teksa brenda vetë Partia Demokratike është grupi që mbështet Enkelejd Alibeajn dhe Sali Berishën, është e ndarë dhe në këtë proces të rëndësishëm. Fatmir Mediu, pjesë e grupit negociator thotë se opozita së pari duhet të ishte serioze me veten.

”Opozita duhet të ishte serioze. Duhet të kishte një trup negociuese, jo tre siç i kemi, që tregon mungesë vullneti, sepse unë kam thënë dhe emra që do të ishin të pranueshme nga të gjithë. Nëse nuk dimë të jemi korrekt me njëri-tjetrin, ajo që kishim detyrë nuk ishte të bindnim mazhorancën, kishim për detyrë të kishim një dy kandidatura për të cilat të binim dakord të gjithë”.