Ora 12.00: Europa një minutë heshtje

Në Europë, sot në orën 12:00 të mesditës do të mbahet një minutë heshtje në përkujtim të viktimve të sulmeve terroriste të premten e kaluar në Paris.

Kryetarët e shteteve dhe qeverive të vendeve të BE-së në një deklaratë të përbashkët kanë ftuar që në orën 12:00 në Europë qytetaret e qytetarët të marrin pjesë në një minutë heshtje.

"E mira është më e fortë se e keqja", thuhet në deklaratën e fundjavës.

Shtetet theksojnë në të, se do të bëjnë gjithçka të nevojshme, për të luftuar ekstremizmin, terrorizmin dhe urrejtjen.

Kujtojmë se në këtë nismë është përfshirë edhe Shqipëria, e cila sot përmes një vendimi zyrtar, e ka deklaruar sot si ditë zie.