OSHEE kundërshton Eurostatin: Ju s’dini të bëni llogari

Një ditë më parë, Eurostat publikoi disa të dhëna shqetësuese në lidhje me çmimin e energjisë që paguajnë shqiptarët krahasuar me qytetarët e vendeve të rajonit.

Sipas të dhënave të publikuara nga Eurostat, të cilat gjetën mjaft hapësirë në median shqiptare, banorët e Shqipërisë e paguanin energjinë elektrike më shtrenjtë se shumica dërrmuese e shteteve të Ballkanit (përvecc Malit të Zi.

Çmimi i energjisë elektrike sipas Eurostat
Mali i Zi 10 E/100Këh

Shqipëria 8.6 E/100 Këh

Bosnja 8.4 E/100 Këh (me te dhënat e vitit 2016)

Maqedonia 8.1 E/100 Këh

Serbia 7 E/100 Këh

Kosova 6.5 E/100 Këh.

Në lidhje me këtë ka reaguar edhe OSHEE, e cila thotë se Eurostat e ka bërë gabim përllogaritjen.

Reagimi i OSHEE

Çmimi i energjisë për Shqipërinë është 1140 lek/ 100Këh ose 11.4 lek/këh.

Ky është çmimi mesatar e shitjes së energjisë ku përfshihen familjaret (Householder) me 9.5 lek / 100Këh (55% te energjisë së shitur) dhe jo familjaret (non-householder) me çmim që varion sipas nivelit të tensionit nga 9.5 lek – 14 lek/këh. Në këto kushte çmimi mesatar i shitjes së energjisë për kategorinë Householder ( familjarë) është 950 lek / 100 Këh ose 7.1 Eu/ 100 Këh. Me këtë çmim renditja është:

Mali i Zi 10 E/100Këh

Bosnja 8.4 E/100 Këh (me te dhenat e vitit)

Maqedonia 8.1 E/100 Këh

Shqipëria 7.1 E/100 Këh

Serbia 7.0 E/100 Këh

Kosova 6.5 E/100 Këh

Sipas pretendimit të OSHEE sipas kësaj renditje Shqipëria ka çmimin më të lirë të energjisë në Rajon për konsumatorët familjarë.