Pa maska në rrugë, gjoba për 1267 qytetarë

Gjatë fundjavës, Policia e Shtetit bën me dije se ka ndëshkuar me masë administrative 3.000 lekë, 1267 qytetarë. Nga ana tjetër, ndëshkohet me 1.000.000 lekë një subjekt që ushtronte aktivitetin në kundërshtim me protokollet e sigurisë. Masë administrative edhe për 18 shtetas, që u konstatuan duke lëvizur në këmbë pas orës 22:00.

Policia e Shtetit, krahas punës për parandalimin, evidentimin dhe goditjen e paligjshmërisë, sigurimin e rendit dhe qetësisë publike, do të vijojnë punën për monitorimin e zbatimit të masave anticovid në të gjithë vendin. Në këtë kuadër, Policia apelon për të gjithë qytetarët që të zbatojnë me rigorozitet masat anticovid.