Padi për dhunën dhe bakllava në Kuvend/ PS nuk tërhiqet, por ofron dialog ndaj PD

Një padi penale ndaj demokratit Bledion Nallbati, të cilin e denoncuan në SPAK me akuzën “goditje për shkak të detyrës”, pas grushtit ndaj socialistit Vullnet Sinaj është hapi që merr PS-ja. Për të majtët, tentativat e opozitës për të penguar zhvillimin normal të komisioneve dhe seancave parlamentare, janë për shkak të problemeve të brendshme të PD.

Deputeti i PS-së, Arben Pëllumbi thotë se grupi parlamentar demokrat nuk e ka seriozisht ngritjen e komisioneve hetimore. “Të ndryshojnë objektin e komisionit dhe ta pranojnë. Por nuk mund të hetojnë çdo gjë që duan ata”. Mazhoranca është e hapur të dialogojë me opozitën për të gjetur një zgjidhje politike situatës së krijuar. “Ne jemi të hapur të dialogojmë”.

Por bllokimineve të opozitës, duket deputetët e Komisionit të Ekonomisë nuk e kanë marrë shumë seriozisht, duke i përshëndetur kolegët demokratë me bakllava nga kafja ngjitur me Kuvendin.