Pakti Rithemelim-PS, Shehu del kundër sërish: Po bëhemi si “të paqenë”, çdo gjë irelevante kur kemi liderin të burgosur

Deputeti i Rithemelimit, Tritan Shehu është shprehur sërish kundër paktit Rithemelim-PS, ku kaosi në Parlament u shua dhe janë dy Komisione Hetimore. Vetë Shehu shkruan në një postim Facebook, se asgjë tjetër nuk është e rëndësishme ndërkohë që Berisha është në ”arrest shtëpie”.

Postimi i plotë

Burgosja politike e liderit dhe nxjerrja jashtë ligjit e partisë, janë dy masat ekstreme, që regjimet mund të marrin ndaj opozitës! Sot në Shqipëri jemi ne nivelin e burgosjes politike të Liderit. Njëlloj si ndodhte në Rusi me Navalnin! Ky është elementi kryesor represiv, që duhet vendosur përballë institucioneve europiane.

Edhe në tryezën me reporterët e Parlamentit Europian, edhe në Këshillin e Europës, kudo! Ashtu si opozita Ruse vendoste e vendos, kur kërkon të drejtat e saj! Çdo gjë tjetër është irilevante përballë nje akti të tillë anti ligjor, anti kushtetues, anti demokratik, anti europian e shumë “anti” te etjera…

Këtë duhet ta kuptojmë mirë e qartë, nëqoftëse pretendojmë se bëjmë “politikë”! Politike reale e funksionale, ne sherbim te rikthimit te lirive, demokracise e rruges Europiane e Perendimore te Shqiperisë! Ndryshe behemi të “pa qenë”! Reflektim duke ndjekur zhvillimet e sotme!