Pamje të frikshme nga Greqia! Shqiptarët rrezikojnë prekjen nga Covid-19, ja thirrja për Ramën

Në një kohë që kufijtë janë mbyllur, në realitet situata është e frikshme. Psikologia Marsela Lekli ka publikuar videon e një emigrant shqiptar, i cili tregon pamje nga jashtë ambasadës së Shqipërisë në Athinë, i cili tregon radhët e shqiptarëve që presin jashtë portës së ambasadës, duke rrezikuar nga pandemia e Covid-19.

Emigranti tregon se të gjithë shqiptarët janë ngjitur me njëri-tjetrin në radhë, ndërkohë që brenda punohet sipas tij me kapacitet të reduktuar. Ai kërkon nga kryeministri Edi Rama dhe nga ministri i Jashtëm, Gent Cakaj që të marrin masat, të bëjnë të mundur marrjen e shërbimit online dhe të shtojnë numrin e punonjësve për të përballuar nevojat e shqiptarëve në Greqi.

“Shiko se çfarë bëhet në ambientet e ambasadës shqiptare në Athinë. Shikoni! Ja gjendja. Shteti shqiptar. Ja pra të gjithë shqiptarët kudo që janë në Greqi, vuajnë këtu me fëmijë të vegjël dhe shteti i ka braktisur në këto ditë të vështira virusi. Shikoni si janë katandisur emigrantët. Ku është Edi Rama dhe ministria e Jashtme? Ku është sistemi online? Nuk kanë dëshirë të zgjidhin problematikat tona! Nuk vendosin punonjës të tjerë për të pasur sportele të tjera. Urdhëroni shikoni! I bëj thirrje Edi Ramës që të gjejë zgjidhjen”.

Skanim shqiptarëve në pikën kufitare të Kakavijës. Gjatë 24 orëve të fundit, rreth dy mijë qytetarë nga Shqipëria i janë nënshtruar testeve të Covid-19, në pikën kufitare të Kakavijës. Mostrat janë marrë nga ekipet shëndetësore të qeverisë greke, Grupet Mobile të EODY. Sipas qeverisë greke, njësitë EODY do të jenë në Kakavijë çdo ditë, për të kryer inspektimet e kërkuara. Ky proces ka shkaktuar radhë të pafundme në pikën e kufirit me Greqinë, ku emigrantët kanë qëndruar aty me orë të tëra. Nga 16 gushti, të gjithë qytetarët që hyjnë në Greqi nga Shqipëria do futen në një karantinë shtatë-ditore. Ky vendim ka ardhur pasi shteti shqiptar është klasifikuar si një vend jo i sigurt, sa i përket Covid-19.

https://www.facebook.com/marselalekli83/videos/10223380875661259/?q=marsela%20lekli&epa=SEARCH_BOX