Pamjet e para nga vendngjarja, policia detaje për vrasjen në Durrës
Aktualitet E Enjte, 1 Gusht 2019 14:03
“BalkanWeb” sjell pamjet e para nga vendi i ngjarjes pak minuta pas vrasjes që tronditi sot qytetin e Durrësit. Policia thotë se i vrarë me armë zjarri ka mbetur shtetasi me iniciale F.B., 40 vjeç nga fshati Shën Vlash, i cili ka ndërruar jetë në spital.
Informacion Paraprak
Më datë 01.08.2019, rreth orës 12:55, në lagjen Nr.18, Durrës, persona të paidentifikuar kanë plagosur me armë zjarri shtetasin F.B.,40 vjeç, banues në Shën Vlash, Durrës, i cili u transportua në Spital ku dhe ka ndërruar jetë.
Në vendngjarje ka shkuar grupi hetimor ku vijon punën për zbardhjen e rrethanave të ngjarjes.
Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje.
