Pandemia, 14 viktima dhe 461 raste të reja me Covid-19

Në Shqipëri rastet e reja me Covid-19, vijojnë që të ulen, por jo vdekjet. Sipas Ministrisë së Shëndetësisë, në 24 orët e fundit nuk e kanë fituar betejën me virusin vdekjeprurës, 14 viktima. ”Megjithë përpjekjet e mjekëve, në 24 orët e fundit nuk kanë arritur të fitojnë betejën me sëmundjen 14 qytetarë me Sars-Cov2 pozitiv në spitalet Covid: 7 qytetarë nga Tirana, 2 qytetarë nga Vlora, 1 qytetar nga Elbasani, 1 qytetar nga Shkodra, 1 qytetar nga Peqini, 1 qytetar nga Fieri, 1 qytetar nga Kavaja, të moshave 45-89 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”,-informon Ministria e Shëndetësisë.

Po në 24 orët e fundit, mësohet se janë kryer 1927 testime, nga të cilat 461 persona kanë rezultuar pozitivë. ”192 raste në Tiranë, 65 raste në Shkodër, 42 raste në Fier, 33 raste në Vlorë, 19 raste në Durrës, 15 raste në Dibër, 14 raste në Berat, 11 raste në Korçë, 10 raste në Elbasan dhe Lushnje, 6 raste në Lezhë, 5 raste Malësi e Madhe dhe Kavaja, 4 raste Gjirokastra, 3 raste në Kurbin, Kamëz, Peqin, Klos, Kuçovë, 2 raste në Vau Dejës, Mallakastër, Tropojë, Kukës, Krujë, 1 rast në Skrapar, Bulqizë, Tepelenë, Mat, Rrogozhinë”.

Lajmi mirë është se në 24 orët e fundit janë shëruar 290 qytetarë, duke e çuar numrin e të shëruarve 28,121 që nga fillimi i epidemisë. Në 4 spitalet Covid, po trajtohen 391 pacientë, 24 në terapi intensive nga të cilët 9 pacientë janë të intubuar.

Ministria e Shëndetësisë dhe Mbrojtjes Sociale, në prag të festave të fundvitit u bën apel qytetarëve të mos e ulin vigjilencën dhe të zbatojnë me përpikmëri rregullat për parandalimin e Covid-19, vendosni maskë mbrojtëse në çdo ambient jashtë shtëpisë, ruani distancimin fizik dhe higjenën personale.

”Festoni brenda familjes tuaj të vogël, vetëm në këtë mënyrë mund të kemi festa të shëndetshme dhe të parandalojmë përhapjen e virusit SARS-COV2. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë. Nëse nuk e dini cili është mjeku juaj i familjes, telefononi linjën e gjelbër falas 0800 40 40 për ta mësuar dhe për t’u vendosur në kontakt me mjekun tuaj të familjes”,-mbyll njoftimin Ministria e Shëndetësisë.

Covid-19-Statistika (20 Dhjetor 2020)

Raste të reja ditore 461
Të shëruar në 24 orë 290
Të shtruar në spitale 391
Humbje jete në 24 orë 14
Testime ditore 1927
Testime totale 238,715
Raste pozitive 53,003
Raste të shëruara 28,121
Raste aktive 23,794
Humbje jete 1088

Shpërndarja gjeografike e rasteve aktive sipas qarqeve:

Tiranë 12801
Fier 1734
Durrës 1340
Shkodër 1337
Vlorë 1119
Korçë 1102
Elbasan 981
Berat 962
Lezhë 939
Gjirokastër 565
Kukës 487
Dibër 427