Papa Françesku në Afrikë:Më shumë frikë kam mushkonjat këtu, se sa ISIS se më vret!

 Kreu i Vatikanit nddhet në një vizitë në Afrikë. Pavarësisht informacioneve të shërbimeve sekrete për një atentat të ISIS ndaj tij, Papa Francesku nisi sot vizitën e tij pesë ditore në Afrikë.

Mëngjesin e sotëm kreu i Vatikanit zbriti në Nairobi, ku pati disa takime me krerë të lartë të Kenias. I pyetur për rrezikun e ISIS, Papa ka ironizuar duke thënë se më shumë është i shqetësuar nga mushkonjat sesa nga Shteti Islamik.

“Më shqetësojnë më shumë mushkonjat këtu në Afrikë, sasa ISIS”, -u shpreh kreu i katolikëve.

Shteti Islamik ka lëshuar herë pas here kërcënime ndaj Papës. Së fundmi sherbimet e inteligjencës franceze i kërkuan Vatikanit që Papa të anulonte vizitën e tij në Afrikë, pasi ata kishin të dhëna për një sulm të mundshëm ndaj Atit të Shenjtë.

Papa do të jetë në disa shtete të Afrikës. Vizita e tij vjen në një kohë kur bota është e rrezikuar më shumë se kurrë nga kërcënimet terroriste.