Parashikimi i motit: Këtë javë, temperatura do shkojë 40 °C në këto qytete

Meteorologu Akil Osmani nga Metoalb, ka qënë në një lidhje në “Skype” me emisonin “Ditë e Re” në RTV Ora i cili ka folur për motin dhe temperaturat për gjithë javën.

Sipas tij, kjo jave do jetë një jave shumë e nxehtë, ku temperaturat maksimale do arrijnë deri në 40 gradë celciues.

“Këtë muaj pritet që të kemi mot të mirë, pritet që kthjellimet të jenë dominuese në pjesën më të madhe të territorit shqiptar. Në zonat malore pritet që të kemi prezencë të pakët të vranësirave, duke bërë që në zonat e thella malore të kemi rrebeshe të shiut afatshkurtëra.

Nga dita e sotme deri në mesin e javës pritet që temperaturat të rriten gradualisht. Në qytetet si Lezha, Elbasani Gjirokastra, vlerat termike mund të shkojnë deri në 39-40 gradë celciues. Në fundjavë pritet që të kemi një rënie të lehtë të vlerave termike.