Parashikimi i motit: Shi pasdite dhe temperatura deri në 31 gradë celsius

Ditën e mërkurë vendi ynë do të jetë në ndikim të masave ajrore relativisht të paqëndrueshme. Moti parashikohet të jetë me kthjellime dhe vranësira të cilat në orët e mesditës do të vijnë në zhvillim kryesisht përgjatë relieveve malore.

Në mesditë dhe pasdite përgjatë relieveve malore të vendit reshje shiu me intensitet të ulët, shtrëngata afatshkurtra.

Era parashikohet të jetë nga veriperëndimi me shpejtësi mesatare deri në 7m/sek, e hera-herës përgjatë vijës bregdetare fiton shpejtësi deri në 12m/sek.

Temperaturat parashikohen:

në zonat malore 13 deri 29°C

në zonat e ulëta 16 deri 32°C

në zonat bregdetare 17 deri 31°C