Parlamenti grek miraton marrëveshjen me Eurogrupin. Athina në flakë
Parlamenti grek ka miratuar marrëveshjen e qeverisë me Eurogrupin. Pas një seance me diskutime të ashpra, kryeministri Tsipras merr mbështetjen e 229 deputetëve të parlamentit.
Kundër paketës së reformave votuan 64 deputetë, ndërsa 6 abstenuan. Por pavarësisht se Tsipras siguroi mbështetjen e partive opozitare si Demokracia e Re, PASOK dhe Potami, ai humbi 39 vota në radhët e partisë tij, SYRIZA. Mes deputetëve të SYRIZA që votuan kundër ishte edhe ministri i Financave, Janis Varufakis dhe kryetari i parlamentit, Zoe Kostandinopulo.
Gjatë mbrëmjes jashtë Kuvendit turma njerëzish që kundërshtonin këto masa u përleshën me policinë. Më herët kryeministri Tsipras ishte shprehur se në rast se nuk do të miratohej kjo marrëveshje qeveria rrëzohej dhe vendi shkonte sërish në zedhje të parakohshme.