Parlamenti holandez bllokon negociatat: Qeveria “Rama” nuk përmbushi kushtet
Mbrëmjen e sotme parlamenti i Holandës ka diskutuar për mbajtjen e konferencës së parë ndërqeveritare mes Maqedonisë së Veriut dhe Shqipërisë.
Pieter Omtzigt, deputet dhe përgjegjës për çështjet europian në Dhomën e Ulët të parlamentit holandez, shkruan në një postim në Twitter se Shqipëria nuk ka plotësuar kushtet për mbajtjen e konferencës së parë ndërqeveritar me BE.
Deputeti holandez citon dhe deklaratën e ministrit të jashtëm Stef Blok, i cili thotë se qeveria nuk ka përmbushur kushtet. Në mënyrë të veçantë është theksuar miratimi i njëanshëm i reformës zgjedhore.
“Sapo patëm një debat në parlamentin hollandez. Qeveria Hollandeze dhe ministri i Jashtëm Stef Blok deklaruan qartë se Shqipëria nuk i përmbush parakushtet për konferencën e parë ndërqeveritare. Kjo do të thotë se ai nuk do të japë pëlqimin. Problemet e diskutuara përfshijnë vendet vakante në Gjykatën e Lartë, ndjekjen penale të krimit në sfera të larta dhe reformën zgjedhore dhe veçanërisht pjesën e dytë të njëanshme të asaj ‘reforme’”,- shprehet politikani holandez.
Qëndrimi i parlamentit holandez konfirmon deklaratën e qeverisë së këtij vendi, e cila pak ditë më parë deklaroi se nuk do të mbështesë mbajtjen e konferencës së parë ndërqeveritare për Shqipërinë.
We just had a debate in the Dutch parliament.
The Dutch governement, @ministerBlok clearly stated that Albania does not fulfill the prerequisites for the IGC. This means he will not consent. (1)— Pieter Omtzigt (@PieterOmtzigt) November 3, 2020