Parlamenti voton shkarkimin e Ibrahimajt si ministre e Financave me 105 vota “pro”

Parlamenti ka votuar paraditen e së enjtes shkarkimin e Delina Ibrahimajt nga detyra e ministrit të Financave dhe Ekonomisë.

Ibrahimaj është shkarkuar me 105 vota pro, dhe asnjë kundër e abstenim.

Po ashtu, gjatë kësaj seance është miratuar projektvendimi i Presidentit që emëron Ibrahimajn si ministre e Shtetit për Sipërmarrjen dhe Klimën e Biznesit.

Në vend të Ibrahimajt, me 74 vota pro dhe 30 kundër është emëruar si ministër i Financave, Ervin Mete.