Pas 2 orëve liri, qytetarët rikthehen në karantinë (VIDEO)
Aktualitet E Enjte, 19 Mars 2020 18:38
Prej një jave Shqipëria është në shtetrrethim. Tirana është mes qyteteve që e kanë respektuar më shumë urdhrin dhe lëvizjen në oraret e përcaktuara. Kryeqytetasit në orën 16:00 dolën nga shtëpia për 2 orë, ndërsa ora 18:00 i gjeti të gjithë brenda. Nga ana tjetër, fierakët nuk e kanë kuptuar ashtu siç duhet orarin e përcaktuar për lëvizjen e lirë të këmbësoreve. Sapo ora ka shënuar 16:00 në rrugë kanë vërshuar qytetarë e makina, duke “shpëtuar” nga karantina e vendosur, por me shkelje të rregullave. Qytetarët kanë duke shëtitur në bulevardin kryesor dhe jo vetëm, ku nuk kanë munguar edhe xhirot me biçikleta.
