Pas Çilit, lirohet dhe administratori i UET-së

Pas botuesit dhe pronarit të UET-së, Henri Çilit, lirohet nga burgu edhe bashkëpunëtori i tij, Betim Shkupi, i cili është dhe administrator i UET-së. Gjyqtari Pëllumb Vehbiu ka vendosur masën e sigurisë “arrest shtëpie”.

Dosja me 31 personat e arrestuar në operacionin mezhgorani, do t’i shkojë në dorë Prokurorisë së Posaçme antikorrupsion. Ky është vendimi i dhënë të dielën nga gjykata e Përmetit, e cila dha masën e sigurisë për personat e arrestuar, përfshi këtu dhe botuesin e njohur Henri Çili. Gjykata ka shpallur moskompetencë lëndore për dosjet dhe për gjykim i janë dërguar Gjykatës kundër korrupsionit dhe krimit të organizuar (GJKKO)

Avokati i këtij të fundit është pyetur në lidhje me vendimin për të lënë nën masën e ”detyrimit të paraqitjes”. Andi Duraj thotë se takimi mes Henri Çilit e një ”gjyqtari të lartë” për zbutjen apo lehtësimin e dënimit për vëllezërit Aliko është thjesht një aludim dhe se nuk ekziston asnjë fakt për të.