Pas dorëheqjeve në Bashkinë Vlorë, hapen aplikimet për 12 pozicione drejtuesish

Pas dorëheqjeve të fundit të drejtuesve në Bashkinë Vlorë – një vendim i nxitur pas një inspektimi të Kryeministrit Edi Rama – janë shpallur zyrtarisht thirrjet për plotësimin e vendeve vakante në 12 pozicione kyçe të administratës vendore.

Përmes një postimi në rrjetet sociale, deputeti i Qarkut të Vlorës, Bledi Çuçi, ka ftuar profesionistë të kualifikuar brenda dhe jashtë vendit të aplikojnë për të kontribuar në ndërtimin e “Vlorës së gjeneratës tjetër”.

“Fuqia e ndryshimit nis nga TY, nga idetë e reja dhe nga ata që marrin përgjegjësi, jo nga ata që qëndrojnë spektatorë”, shkruan Çuçi, duke theksuar rëndësinë e përfshirjes së profesionistëve të rinj në administratën publike.

Pozicionet e hapura për aplikim:

1. Kryeinspektor në Inspektoriatin e Mbrojtjes së Territorit (IMT)
2. Drejtor në Policinë Bashkiake
3. Drejtor në Ndërmarrjen e Shërbimeve Publike
4. Drejtor në Ndërmarrjen e Gjelbërimit
5. Drejtor në Ndërmarrjen e Pastrimit
6. Drejtor në Drejtorinë e Mbrojtjes Civile
7. Drejtor në Qendrën Kulturore të Fëmijëve
8. Drejtor në Shtëpinë e Foshnjës
9. Drejtor në Teatrin “Petro Marko”
10. Drejtor në Drejtorinë e Projekteve të Huaja, Integrimit Europian dhe Diasporës
11. Drejtor në Drejtorinë e Auditimit të Brendshëm
12. Drejtor në Drejtorinë e Protokoll-Arkivës

Deputeti Çuçi thekson se kjo është një mundësi për të sjellë risi dhe energji të reja në administratë, si pjesë e vizionit për “Vlorën 2030”.

Aplikimet dhe më shumë informacion:

Të interesuarit mund të gjejnë informacion të detajuar mbi kriteret dhe procedurat ligjore për aplikim në faqen zyrtare të Bashkisë Vlorë.