Pas nënkryetarit grek, Parlamenti edhe me nënkryetar çam?

Në rendin e ditës të seancës së nesërme parlamentare, Kuvendi bën të ditur se do të merret në shqyrtim edhe propozimi i grupit parlamentar të PDIU-së për zgjedhjen e një zëvendëskryetari të Kuvendit.

Nga burime konfidenciale mësohet se mazhoranca ka rënë dakord për zgjedhjen që nesër të një zv.kryetari të tretë të Parlamentit, por emri i tij mbahet ende i fshehtë.

Fakti interesant është se në këtë mënyrë, pas një nënkryetari grek sikurse është Z. Vangjel Dule, parlamentit do t’i shtohet edhe një kryetar çam.

Duke parë historinë e genocidit çam por edhe përplasjet mes dy partive parlamentare, PBDNJ-së dhe PDIU-së, mbetet për t’u parë nëse një zgjedhje e tillë do të prodhojë apo jo konflikte të mëtejshme.

Përveç Vangjel Dules, nënkryetari i dytë i Parlamentit është demokrati Edmond Spaho.