Pasi mori 650 milionë euro borxh, Rama i kthehet Tabakut: Doni, s’doni ju, eurobondi sukses kuptimplotë
Kryeministri Edi Rama nuk i ka mirëpritur reagimet e opozitës lidhur me borxhin prej 650 milionë eurosh të marrë nga qeveria shqiptare.
Përmes rrjeteve sociale, Rama thotë se eurobondi ishte një sukses kuptimplotë.
“Përmbahu zonja Tabaku, përmbahu sepse gjuha e akuzave dhe fyerjeve nuk është as argument, as shembull qytetarie në një shoqëri që ka nevojë për t’u pastruar në gjak e në mendje nga helmi i fjalëve të rënda, të cilat prej vitesh janë bërë buka dhe djathi i tregut të politikës…
Doni s’doni ju Eurobondi ishte një sukses kuptimplotë, përmbajtja e të cilit është pasqyrë e qartë e zbrazëtisë së propagandës politike-mediatike kundër qeverisë dhe në fakt, kundër vetë Shqipërisë që ju e tregoni përditë si ferrin mbi tokë! Shqipëria dje triumfoi, doni s’doni”, shprehet Rama.
