Patozi: Fjala e lirë nuk do të cenohet, media nuk do ta përfillë represionin!

Në protestën e gazetareve merrte pjesë edhe ish-nënkryetar i PD Astrit Patozi, i cili theksoi në fjalën e tij për SYRI.TV se “Qeveria është në emergjencë për tërmetin, nuk është për fjalën e lirë”.

“Ky projektligj është gjëja më e keqe që mund të vinte në këtë ditë, është përpjekje e qartë e një qeverie për të kontrolluar të tjerët, shtypin. Lajmi i mirë këtu është se çfarëdo që të ndodhë sot në Parlament, sado ta kenë riparuar ligjin, është se fjala e lirë nuk do të cenohet për meritë të shtypit vetë që nuk do ta përfillë represionin që mund të shkaktojë ky ligj.

Gazetari: A ke një mesazh për zotin Rama për sot?

Patozi: I vetmi mesazh që mund të kisha për zotin Rama është që gjëja më e paktë që mund të bënte është ta shtynte, që t’i jepte kohë debatit për këtë ligj edhe nga pala e cenuar e të bënte një ligj normal. Qeveria është në emergjencë për tërmetin, nuk është për fjalën e lirë. Sot nëse do të kishte emergjencë, do të ishte reforma zgjedhore, gjykata kushtetuese, por jo ky ligj.