Patozi veçon ministren Gjermeni, zbulon edhe mesazhet me Ramën

Deputeti i Partisë Demokratike, Astrit Patozi, ka veçuar vetëm një ministër dhe ajo femër nga kabineti Rama,  si i vetmi person për të cilin ka menduar pozitivisht në radhët e qeverisë.

Ajo është ministrja Eglantina Gjermeni.

I ftuar në emisionin “Oktapod” në “Vizion Plus” Patozi zbuloi se kohë më parë ka shkëmbyer mesazhe edhe me kryeministrin Edi Rama.

“Kryeministri Rama më ka uruar për ditëlindjen time. Edhe unë më vonë i ktheva reston, duke i uruar lindjen e djalit. Unë nuk do ta kisha bërë, që ta uroja për djalin, kështu që është meritë e tij”, u shpreh deputeti i djathtë.

Por  ka më shumë se një vit që kryeministrit i ka lindur djali, çka do të thotë se në Shqipëri mes politikanëve kundërshtarë të dy kampeve, arrihet të komunikohet në raste të tilla.