PD akuza Ramës për dështimin në shëndetësi

Partia Demokratike akuzoi kryeministrin Edi Rama se ka dështuar në sektorin e shëndetësisë. Përmes një deklarate për mediat, Gazment Koduzi u shpreh se para 8 vitesh Rama u premtoi të gjithëve shëndetësi falas, por shëndetësia është shtrenjtuar në çdo drejtim.
Ai tha se PD ka një plan për të ndryshuar shëndetësinë.
“Me parimin “paratë ndjekin pacientin”, ju do ta zgjidhni vetë mjekun tuaj të familjes, klinikën, spitalin. Kështu do të merrni shërbimin që meritoni më momentin që keni nevojë për të.
Qendrat shëndetësore dhe spitalet publike do të riorganizohen sipas konceptit të spitaleve “sipërmarrëse”.Ne do të sigurojmë paga 700 Euro për infermierët dhe 1200 Euro për mjekët.”, u shpreh Koduzi.
Ai tha se me 25 prill, Rama do të largohet.