PD kërkon ndryshime Kushtetuese, analistët: Duan garanci

PD do të rikthehet pas 2 viteve mungesë në Kuvend, me 2 kërkesa. Kryedemokrati Lulzim Basha do të prezantojë nismën për zhbërjen e ndryshimeve kushtetuese të vitit 2008, për të cilat tha se nuk i përgjigjen nevojës së shoqërisë për demokraci.

Për politologun Afrim Krasniqi, kërkesa e Bashës tregon se opozita ka si strategji krijimin e garancive për barazi në zgjedhjet e ardhshme. Kurse juristi Jordan Daci e lidh mesazhin e Bashës me nevojën për të rikthyer balancimin e pushteteve dhe ekuilibrat politikë në vend.

Ndryshimet kushtetuese të vitit 2008 erdhën si një dakortësi mes demokratëve të Sali Berishës dhe socialistëve të Edi Ramës.