“PD merr minimumi 8 mandate në Durrës”, Xhaferraj: Rama, makthi i socialistëve

“Sigla e PD-së në Durrës do të marrë 8 mandate”, kështu është shprehur kreu i PD-së së Durrësit, Ferdinand Xhaferraj gjatë një interviste në emisionin ‘ABC e Mëngjesi’.
Më tej Xhaferraj e ka konsideruar situatë shumë të rëndë në Durrës, ku sipas tij është krijuar një frymë mbytëse për qytetarët për shkak se gjithçka administrohet nga një grup aktorësh kriminalë.
“I gjithë qyteti është më keq. Minimumi pretendojmë 8 mandate. Aktualisht ka 14 mandate qarku dhe PD do të marrë 8 mandate. Sigla e PD-së. Edhe aleati ynë po punon. Mua më duken pak 8 mandate. Në 2005 sigla e PD mori 7 mandate por sot mënyra se si është bërë qyteti…janë të gjithë më keq. Jemi me skemën e 2005.”
“Rama vjen edhe për problematikat që ka. I 8 është por me 3D. Është propagandë. Realiteti tregon se ai nuk do marri vota. Është një luftë e brendshme në PS. Është qytet që nuk e pranon këtë dominim. Makthi që kanë socialistët sot është Edi Rama. Tmerri është tek Edi Rama. Është realiste e kanë kuptuar që është një qytet që vuan nga keqqeverisja. Një grup aktorësh kriminal që kanë një frymë mbytëse”, ka thënë Xhaferraj.