PD shpall 19 shtatorin si ditë zie për Bogdanin

Në nderim të figurës së Gerti Bogdanit pas ndarjes nga jeta të mënyrë të papritur këtë të mërkurë, Partia Demokratike ka shpallur ditë zie ditën e enjte datë 19 shtator 2024. Të gjitha aktivitetet e Partisë Demokratike në datat 18 dhe 19 shtator në të gjithë territorin do të anulohen. ”Në të gjitha selitë e Partisë Demokratike flamuri kombëtar dhe flamuri i PD do të ulen në gjysmështizë dhe në orën 12.00 do të mbahet një minutë heshtje në të gjitha selitë e Partisë Demokratike”, njoftoi zyra e medias dhe komunikimit, e Partisë Demokratike.