PD zyrtare: Një opozitë që kacavirret nëpër dritaret e Parlamentit, fiks opozita që i duhet Ramës

Nënkryetari i Partisë Demokratike zyrtare, deputeti Kreshnik Çollaku thotë se një opozitë që kacavirret nëpër dritaret e parlamentit është fiks opozita që i duhet Ramës. Reagimi vjen pasi kolegët nga PD-ja e Berishës, sot krijuan kaos dhe u futën në Kryesinë e Kuvendit nga dritarja.

Sipas tij, një opozitë që mbledh me shpejtësi refuzim qytetar, që për karriket e ofiqet e veta përmbys parlamentin, është opozita që i duhet Ramës. “Një opozitë e tillë nuk është opozita që përmbys Ramën po që i fal atij mandatin e katërt”, shtoi Çollaku duke komentuar se ky është krim ndaj demokratëve dhe rithemelimsave e ndaj Shqipërisë.

“Ndaleni këtë marrëzi, përfituesi i vetëm i dhunës në parlament është Edi Rama, humbësi i vetëm prej dhunë në parlament është opozitarizmi”, përfundoi Çollaku.